Madaxweynaha wadanka Maraykanka Obama ayaa ka hadlay dhibaatooyinka haatan ka taagan wadanka Maraykanka ee xaga amaanka ah.

Washiton Post oo soo xiganaysa madaxweynaha Maraykanka ayaa sheegat in haatan laga walaacsanyahay dhalinyarada ku sii badanaysa wadanka Maraykanka.

Obama ayaa amray in  il gaar ah lagu haayo dhalinyarada Soomaaliyeed sida ay sheegtay Washiton Post waxaana uu muujiyay madaxweynaha walaaca uu ka qabo amaanka wadanka.

Sidoo kale madaxweyne Obama ayaa amray in il gaar ah lagu haayo dhalinyarada Soomaaliyeed ee u soo safra wadanka isla markaana dib ugu laabta wadankaasi Maraykanka.

Madaxweyne Obama ayaa sheegay in dhamaanba Hay’adaha iyo laamaha amaanka loo baahanyahay in arintaan ay ka wada shaqeeyaan isla markaana ay diidaan in la dhibaateeyo wadanka.

Wuxuu ku dheeraaday madaxweynaha Maraykanka in maalmihii ugu danbeeyay uu maqlayay dad badan oo loo qabtay falal ka soo horjeeda amaanka Maraykanka, wuxuuna tilmaamay in arintaasi ay tahay mid aanan loo dul qaadan Karin.

Ugu danbeeyntii Madaxweyanaha ayaa sheegay in haatan dhalinayaro lala xariirinayo Al-shabaab in ay ku jiraan xabsiyada dalka, islamarkaana qaarkood xukun uu ku dhacay.

Ganacsatada ku dhaqan magaalada Gaalkacyo ee gobolka Mudug, gaar ahaan Koonfurta Gaalkacyo oo uu ka taliyo maamulka Galmudug ayaa bilaabay dayactir ay ku sameynayaan qaar ka mid ah wadooyinka magaaladaas oo burbursan.

Wadooyinkan oo aan helin wax dayactir ah labaatankii sano ee dowlad la’aantu jirtay ayaa waxaa haddana kaga sii daray roobab xooggan oo bartamihii sannadkii hore ka da’ay degmadaas, iyadoo dayactirkan ay soo dhaweeyeen shacabka iyo maamulka Galmudug.
“Dayactirka lagu sameynayo waddooyinka waxaa iska kaashanaya maamulka iyo ganacsatada deegaanka, inkastoo dhaqaalaha inta ugu badan ay bixinayaan ganacsatada,” ayuu yiri mid ka mid ah wadayaasha gaadiidka dadweynaha ee ka shaqeeya Koonfurta Gaalkacyo.
Magaalada Gaalkacyo ayaa waxay ka mid ahayd magaalooyinkii ay saameynta adag ku yeesheen colaadihii iyo burburka dalka oo dhan ku habsaday, iyadoo Koonfurta uu soo gaaray burbur xooggan oo dhinaca dhismayaasha iyo waddooyinka ah.
Saraakiil u hadlay maamulka Galmudug ayaa sheegay in dayactirka waddooyinka ay ku yimaadeen wacyi-gelinno la sameeyay, kuwaasoo dadweynaha looga dalbanayay inay ka qaybqaataan horumarinta deegaankooda iyo dib u dhiska waddooyinka.
Gaadiidleyda kala duwan ee ku nool Koonfurta Gaalkacyo ayaa waxay muddooyinkii dambe ka cabanayeen dayactir la’aanta waddooyinka Gaalkacyo gaar ahaan halka uu ka talinayo maamulka Galmudug, iyadoo tani ay noqonayso markii ugu horreysay oo dayactir noocan oo kale ah lagu sameeyo waddooyinka.

Ugu yaraan 40-qof ayaa ku dhintay shilal kala duwan oo ka dhacay dalka Kenya, kuwaasoo laba ka mid ah ay ka dhaceen gobolka Galbeedka Kenya ku yaalla ee Rift Valley kaddib markii ay wadayaasha gaadiidkaas oo ahaa basaska loo yaqaan matatuuga ay lumiyeen koontaroolka gaadiidka.

Shilkii ugu dambeeyay oo ka dhacay duleedka magaalada Nakuru ayaa waxaa ku dhintay 20-qof, toddoba qof oo kalena si xun ayay ugu dhaawacmeen, kaddib markii baskii ay la socdeen dadkaas oo Matatu ahaa uu ka faniinay jidkii uu ku socday uuna ku dhacay meel biyo degeen ah.

Sidoo kale 11-qof ayaa ku dhintay shil isaguna ka dhacay isla gobolka Rift Valley kaddib markii bas Matatu ah oo kasoo ambabaxay magaalada Nakuru kuna socday Eldoret uu shil culus galay, iyadoo shilkaas ay si xun ugu dhaawacmeen laba qof oo rakaabka ka mid ah.

Baska ay ku dhinteen 20-ka qof ayaa la sheegay in loogu talogalay inuu qaado 14 qof oo keliya, balse ay la socdeen 27 qof, taasoo xadgudub ku ah sharciga dalka Kenya sida ay ku andacoonayaan saraakiisha booliiska Kenya oo eedeynta shilalka dusha uga tuuray dadka oo aan iskala hadlayn wadayaasha iyo wadayaasha oo aan si miyir-qabta u wadayn gaadiidka.

“Inta badan rakaabkii baska la socday way dhinteen markii uu shilku dhacay, waayo gaarigu isagoo xowli ku socda ayuu ka dhacay jidka wuxuuna ku dhacay bohol weyn oo ay biyo ku jireen,” ayuu yiri sarkaal sare oo u hadlay booliiska Kenya.

Sarkaalka ayaa sheegay in shilalkan ay yihiin kuwii ugu khasaaraha badnaa ee ka dhaca Kenya xitaa sannadkii hore, isagoo ugu baaqay wadayaasha gadiidka inaysan qamri cabin marka ay gaadiidka wadayaan sidoo kalena ay ka digtoonaadaan inay jabiyaan sharciyada lagu soo rogatay gaadiidka Kenya si shilalka loo yareeyo.

Baska ka dhacay jidka ayaa dadka ku dhintay waxay isugu jireen 10-rag ah, laba dumar ah iyo sideed caruur ah, sida uu sheegay taliyaha booliiska gobolka Rift Valley, John Mbijiwe oo la hadlay saxaafadda.

Dhanka kale, shil ka dhacay bariga dalka Kenya ayaa waxaa isagana ku dhintay sagaal qof kaddib markii gaarigii waday uu si lama filaan ah u rogmaday, waxaana tani ay ka dhigaysaa shilalka ka dhacay dalka Kenya saddexda maalmood ee ugu horreeyay sannadkan kuwii ugu xumaa ee dhaca

Kevin-Prince Boateng ayaa joojiyay ciyaar saaxiibtinimo ka dib markii taageerayaal ka soo horjeeda kooxdiisa ay qeybihii hore ee ciyaarta cunsurino kula kaceen isaga iyo qaar ka mid ah asxaabtiisa AC Milan.

Milan ayaa la ciyaareysay kooxda heerka afaraad ee Pro Patria madaama ay ku jiraan fasaxa qaboobaha, waxaana la rumeysan in qaar ka mid ah taageerayaasha martida loo ahaa inay cunsurinimo kula kaceen Boateng iyo qaar kale oo ka mid ah ciyaartoyda madowga ee kooxda Rossoneri.

Kala bar markii ay socotay qeybtii hore, Boateng ayay ka gaartay meeshii ugu danbeysay oo dulqaadka ayaa ka dhamaaday isagoo ciyaarta joojiyay islamarkaana kubada qabsaday kuna tuuray taageerayaal taribuunka saarnaa.

Boateng ayaa markaasi ka dib iska siibay maaliyada Milan waxaana uu ka baxay garoonka, iyadoo islamarkiiba ay ku biireen ciyaartoyda kale ee kooxdiisa, ka dib waxaa ku sii biiray ciyaartoyda Pro Patria.

Waxaa lagu soo waramayaa in inta badan taageerayaasha Pro Patria inay u sacabatumayeen ciyaartoyda ka dhiidhiyay cunsuriyada oo garoonka isaga baxay, halka qaar ka mid ah taageerayaasha ay isku dayeen inay la dagaalaan taageerayaasha ka mas’uulka ahaa inay ciyaarta la joojiyo.

Tababaraha Milan Massimiliano Allegri ayaa yiri: “Waxaan ka xunahay oo ka murugeysanahay wixii dhacay. Milan waxa ay u ciyaartaa xuquuqda lagu ixtiraamo ciyaartoyda oo dhan.

“Waxaan u baahanahay inaan joojino calaamadan jaahilnimada ah. Waxaana ka raaligelineynaa taageerayaashii kale ee halkaan u yimid inay ciyaar qurux badan daawadaan.

“Waxaan balanqaadeynaa inaan soo laaban doono, laakiin wado kale oo inoo furneyd ma jirin oo aan aheyn inaan garoonka ka baxno. Waxaan rajeynayaa inay tan calaamad muhim ah noqoto

Tababaraha kooxda Al Ahly Quique Sanchez Flores ayaa aaminsan in Jose Mourinho uu ka fiirsanayo inuu tababare ka noqdo dalka Isku Taga Imaaraadka Carabta.

Waxaa si aad ah la iskula dhexmarayaa in tababaraha Real Madrid laga yaabo inuu ka tago Santiago Bernabeu mustaqbalka dhow, si kastaba Flores ayaa sheegaya in Mourinho uu xiiseynayay shaqadiisa bariga dhexe iyadoo tababarihii hor ee Chelsea uu booqday wadankaas isagoo ka qeyb galayay shirka caalamiga ee Isboortiga ee ka dhaca sannad kasta Dubai.

Markii la weydiiyay hadii ay dhici karto in Mourinho uu u dhaqaaqo UAE, Flores waxa uu u sheegay suxufiyiinta:

“Si fiican. Jose waa shaqsi u furan kubada cagta adduunka. Waa uu jecel yahay shaqada, waana hubaa inuu u furan yahay inuu mustaqbalka halkaan yimaado. Waa uu ka warqabaa in kubada cagta UAE inay sii kori doono sannadaha yar ee soo socda.

“Waxaan qado la qaatay Mourinho. Waxaana la sheekeysanayay Mourinho iyo wakiilkiisa Jorge Mendes. Aniga ahaan muhim ayay ii aheyd sababtoo ah waxaan ka wadahadleynay arimo la xiriira kubada cagta, iyo dhibaatooyinka ku heysta Spain iyo sida halkaan ay uga duwan tahay Spain.

“Waxa uu wax iga weydiinayay horyaalka UAE, iyo sida xaalada halkaan ay tahay. Waxa ay aheyd wada sheekeysi saaxiibtinimo. Waxa uu ii sheegay in UAE ay tahay meel fiican oo uu noqon karta qorshe labaad. Europe ayaa ah dooqiisa ugu fiican, laakiin halkaan waa dooqiisa labaad sababtoo ah waa meel fiican, UAE waxa ay ku socotaa inay korto mustaqbalka.

“Waxa uu igu yiri ‘Quique, waad ku faraxsan yahay halkaan, wajigaaga ayaan ka arkaa.’. Waxa uu xiiseynayay inuu wax ka ogaado ciyaartoyda UAE iyo xiddigaha UAE.”

Weeraryahanka Manchester City Mario Balotelli ayaa u muuqda in qilaaf isjiid jiid ah uu ku dhexmaray garoonka tababara isaga iyo tababare Roberto Mancini.

Labada nin ee u dhashay Italy waxaa dhexmaray isku dhac weyn oo keenay isjiid jiid badan.

Balotelli ayaa la rumeysan yahay inuu ka careysiiyay Mancini markii uu qalad xun ku galay saaxiibkiisa ay isku kooxda yihiin Scott Sinclair xilli ay tababar ku qaadanayeen garoonka tababarka kooxda ee Carrington.

Sawirka sare oo ay qaaday wakaalad dhanka sawirada ah ayaa la sheegay in la qaaday saaka iyadoo labada nin ay kala qabteen shaqaalaha kooxda iyo ciyaartoyda.

Manchester City ayaa diiday inay wax hadal ah ka yiraahdaan arintaan ugu danbeysay.

Weeraryahan Mario Balotelli oo 22 jir ah ayaa waxyaabo badan oo muran dhaliyay sameeyay tan iyo intii uu Manchester City kaga soo biiray Inter Milan.

Sawirada la qaaday ayaa muujinaya Mancini oo ku qeylinaya Balotelli ka dib markii uu qaladka galay isagoo ka jiid jiidaya funaanada tababarka, halka sawir kale uu muujinayo Balotelli oo uu celinayo qof ka mid ah shaqaalaha kooxda.

Ka dib isku dhaca oo ahaa mid aad u sareeyay Mario Balotelli ayaa isaga tagay garoonka Tababarka.

 

 

Maamulka Puntland ayaa digiin ka soo saaray fara gelinta siyaasadeed ee lagu haayo, xilli uu muran siyaasadeed uu ka taagan yahay muddo kororsiga Madaxweyne Faroole.

Wasiirka Amniga Puntland Khaliif Ciise Mudan ayaa sheegay inay jiraan shaqsiyaad caqabad ku ah amniga deegaanada Puntland, isagoo sheegay inay tallaabo ka qaadayaan.

“Shaqsiyaadka fara gelinta ku haya Maamulka Puntland, kuwaas tallaabo ka qaadeynaa, cid kasta oo qal qal ku heysa amaanka deegaanada Puntland waa iska qaban doonaa”ayuu yiri Khaliif Ciise Mudan.

Mr Mudan ayaa soo hadal qaaday kooxo uu sheegay inay abaabulayaan bulshada deegaanada Puntland, si ay isaga horkeenaan, isla markaana ay ka dhex abuuraan fowdo iyo qala qalaaso sida uu yiri.

Dhinaca kale Wasiirka amniga Puntland ayaa sheegay inay wadaan qorshayaal ay kula dagaalamayaan Xoogaga Al-Shabaab ee fadhigooda yahay Buuraha Galgala.

Qaar ka mid ah siyaasiyiinta Puntland ayaa ka biya diidan qorshaha Madaxweyne Faroole uu ku doonayo in muddo sanad ku kordhisto.

Madaxweynaha talada haya C/raxmaan Faroole ayaa dhowaan sheegay in dastuurka uu awood u siinayo inuu xilka sii haayo, si howlaha uu qabtay u dhameystiro.

7-da Janaayo ayaa ah mudada ay ugu egtahay Madaxweyne Faroole, waxaana laga cabsi qabaa in wixii ka dambeeya maalintaas ay dhacaan rabshado lagaga soo horjeedo maamulka waqtigiisa dhamaaday

Wasaarada gaashaandhiga Soomaaliya ayaa bilowday bixinta mushaaraadka ciidamada dowladda ee ku sugan Gobolka Bay, iyadoo in muddo ah ciidamadu ka cabanayeen mushaar la’aan.

Mushaar siinta ciidamada ayaa ka dambeysay kadib markii wafdi uu hogaaminayay Wasiirka gaashaandhiga, ayna qeyb ka ahaayeen xubno ka tirsan baarlamaanka iyo saraakiil ciidan ay shalay gaareen magaalada Baydhabo.

Taliyaha ciidamada xooga dalka Jen. C/qaadir Sheekh Cali Diini ayaa sheegay in ciidamada ay bil walba heli doonaan mushaarkooda, isagoo cadeeyay in Ciidamada dowladda ee ku sugan gobolada Bay iyo Bakool ay ka mid yihiin ciidamada dowladda ee gobolada kale ku sugan.

Jen. Diini ayaa sheegay in ciidamada looga baahan yahay inay dar dar geliyaan sidii deegaanada kale ee gobolka Bay uga saari lahaayeen Shabaab, isagoo u cadeeyay in ciidamada ay heli doonaan xuquuqdooda.

Ciidamada dowladda ee ku sugan gobolka Bay ayaa dhowaan sameeyay gadood, kadib markii ay cabasho ka muujiyeen mushaar la’aan heysay muddo sanad ah, iyadoo cabashada ugu dambeyn ay noqotay mid Wasaarada gaashaandhiga si deg deg uga jawaabto.

Dhinaca kale Wafdigii uu hogaaminayay Wasiirka gaashaandhiga C/xakiin Fiqi ayaa dib ugu soo laabtay magaalada Muqdisho, kadib markii wada hadalo ay la soo yeesheen saraakiisha ciidamada iyo maamulka labada gobol.

Wasaarada Gaashaandhiga ayaa wada dadaalo ay ku dooneyso sidii ay gobolada dalka looga saari lahaa Shabaab, iyadoo uu socdo qorshayaal lagu tayeynayo ciidamada xooga dalka, isla markaana lagu xoojinayo

Wararka ka imaanaya Gobolka Hiiraan ayaa sheegaya in rag ka tirsan Al-Shabaab ay weerar ku qaadeen goob xaflad aroos ka socotay shalay gelinkii dambe.

Inta la og yahay qof dumar ah ayaa ku dhimatay, saddex kalena dhaawac ayaa soo gaaray markii raga hubeysan ee ka tirsan Shabaab rasaas ku fureen goobta xaflada arooska ka socotay.

Dadka deegaanka Booco oo qiyaastii 30-KM u jira magaalada B/weynn ayaa u sheegay idaacadaha maxaliga ee Muqdisho in raga hubeysan ay yimaadeen halka ay ka dhaceysa xaflada arooska, dabadeedna ay rasaas isaga fureen.

“Waxaan markiiba ka war helnay rasaas aan ogeyn meeley nooga timid, kadib waxaa arkay saddex qof oo dhulka ku dhacay, mid qof haweeney ayay aheyd oo arooska ka qeyb galaysay waana dhimatay”ayuu yiri mid ka mid ah dadkii xaflada arooska ku sugnaa.

Goobta ayaa lagu kala yaacay, markii ay rasaasta dhacday, waxaana dadkii arooska dhiganayay ay u sheegeen raga hubeysnaa inay joojiyaan muusikada iyo alalaaska oo ay sheegeen inuu yahay Munkar.

Al-Shabaab ayaa dhowr jeer oo hore weeraray goobo xaflad aroos laga dhigayay, iyagoo ka soo horjeeda xafladaha aroosyada ee lagu soo bandhigo ciyaaraha iyo muusikada

Madaxweynaha Soomaaliya Xasan Sheekh Maxamuud ayaa kula kulmay magaalada Khartoum kumanaanka Ardayda Soomaalida ee dalkaas wax ku barata, isagoo ku dhiira geliyay in wixii ay soo bartaan ugu faa’ideeyaan dadkooda Soomaaliyed.

Khudbada uu u jeediyay Madaxweynaha oo dhinacyo badan taabaneysa ayaa waxaa uu ugu horeyn ku soo hadal qaaday xaalada Soomaaliya iyo is bedelada ka jira.

Madaxweynaha ayaa uga digay Ardayda soomaalida inay naftooda ku biimeeyaan dhulka saxaraha iyo badda, si ay ugu tallaabaan dalalka Yurub.

Waxaa uu ugu baaqay in aysan ku walaaloobin kooxeysi iyo qabiil, balse ay sameeyaan isku duubni, maadaama ay ku joogaan magac Soomaaliyed.

Dhinaca kale Madaxweynaha ayaa xalay waxaa casho sharaf u sameeyay dhigiisa Sudan Cumar Xasan Al-Bashiir, iyadoo Madaxweyne Xasan Sheekh ka mahadceliyay.

Labada madaxweyne ayaa waxay ka wada hadleen xoojinta xiriirka walaalnimo ee ka dhaxeeya, waxaana Madaxweynaha Sudan uu balan qaaday inuu sii wadi doono taageerada uu siinayo dowladda Soomaaliya.

Madaxweynaha ayaa la filayaa inuu maanta soo gaba gabeeyo booqashadiisa dalka Sudan ku joogo

Wasiirka gaashaandhiga Soomaaliya C/xakiin Xaaji Maxamuud Fiqi ayaa ka warbixiyay safarka uu maalinimadii shalay ku tagay magaalada Baydhabo ee Gobolka Baay, isagoo sheegay in dhowaan la qaadi doono howl galo ka dhan ah Al-Shabaab.

Socdaalka Wasiirka gaashaandhiga ku joogo magaalada Baydhabo ayaa waxaa ku wehliya Xildhibaano ka soo jeeda gobolka, Saraakiil ciidan uu ka mid yahay Taliyaha ciidamada xooga dalka Jen. Diini.

C/xakiin Fiqi oo wareysi siiyay Radio Muqdisho ayaa sheegay in Baydhabo uu geeyay mushaar ay dowladda u soo dirtay ciidamada dowladda ee ku sugan gobolada Bay iyo Bakool, isagoo xusay in la siin doono ciidamada.

“Waxaa u keenay Ciidamada mushaar ay dowladda u sii diray, waana la siin doonaa meel walba ay joogaan”ayuu yiri Wasiirka Gaashaandhiga C/xakiin Xaaji Maxamuud Fiqi.

Mar Wasiirka wax laga weydiiyay kulamada uu la qaatay saraakiisha ciidamada ayaa sheegay inay ka wada hadleen howl galada ka socda goboladaas, isagoo tibaaxay in la isku furi doono wadada isku xirta Muqdisho iyo Baydhabo.

Wasiirka ayaa cadeeyay in kulamada uu la qaatay saraakiisha ciidamada ay ka wada hadleen sidii dhowaan loo qaadi lahaa howl galo, isla markaana deegaanada wali ku haray gacanta Al-Shabaab looga xoreyn lahaa sida uu yiri.

“Socdaalkeyga wuxuu qeyb weyn ka yahay sidii loo dar dar gelin lahaa howl galada ka socda gobolada dalka ay ka wadaan Ciidamada qalabka sida”ayuu yiri Wasiirka gaashaandhiga C/xakiin Fiqi.

Wasiirka Gaashaandhiga ayaa dhowaanahan socdaalo ku tagayay magaalooyinka laga saaray Al-Shabaab, si uu u dhiira geliyo ciidamada xooga dalka

Madaxweynaha Soomaaliya Xasan Sheekh Maxamuud ayaa la kulmay dhigiisa wadanka Suudaan Cumar Xasan Al-Bashiir, xili maalintii labaad uu ku suganyahay wadankaasi.

Wasiirka arimaha gudaha iyo amniga qaranka xukuumada Soomaaliya C/kariin Xuseen Guuleed oo ka mid ah wafdiga madaxweynaha ayaa wuxuu sheegay in labada madaxweyne ay kulan rasmi ah wada yeesheen.

C/kariin Xuseen Guuleed ayaa sheegay in labada madaxweyne ay ka  wada hadleen xoojinta xiriirka labada dalka ee soo jireenka ahaa iyo sidii loo hormarin lahaa iskaashi buuxana looga yeelan lahaa hormarka labada dowladood.

Wasiirka ayaa sidoo kale wasiirka ayaa sheegay in wafdiga madaxweynaha ay kulamo kale duwan ee kale ay ku yeelan doonaan magaalada Khartuum ee dalkaasi.

Madaxweynaha Soomaaliya iyo wafdi uu hoggaaminayo ayaa shalay gaaray gobol lagu magacaabo Blue  Nile halkaas oo  lagu qabtay munaasabad loogu dabaal dagayay xuska 57 guuradii ka soo wareegtay markii ay dowladda Ingiriiska ka qaateen xornimada.

Waxaa Maanta Degmada Kaxda ee Gobolka Banaadir lagu arkay Meydka Wiil Dhalinyaro oo la sheegay in Madaxa looga jiray kaa ay dileen Ciidamada Midowga Afrika AMISOM ee  Fariisinka ku leh Degmada Kaxda.

Dadka Deegaanka ayaa sheegay in ay Saakay arkeen Meydka Wiilkan Dhalinyarada ah ay dileen Ciidamada AMISOM xalay iyadoona dadku ku waramayaan in Wiilkaasi Madaxa looga jiray uuna ku dhawaaday Fariisin ay Ciidamdu ku lahaayeen halkaana lagu dilay .

Lama oga Sababaha ka dambeeya Dilka Wiilkan Madaxa looga jiray ay Qaarijiyeen Ciidamada AMISOM hasa ahaatee waxaa loo badinayaa in Wiilkan uu xalay abaaro 10-kii Habeenimo uu si qalad ah ku galay fariisinka AMISOM lahayaeen amar lagu joojiyayna uu diiday sidaana lagu toogtay.

Maamulka Dowlada ee Degmada Kaxda ayaa kulan looga hadlayo sida uu u dhacay Dilka loo geestay Wiilka Dhalinyarada ah waxa ay la qaateen Ciidamada AMISOM ee fariisinka ku lahaa halka Dilku ka dhacay iyadoona aan la ogeyn waxa ay isla garteen.

Ma ahan markii ugu Horeesay ay toogtaan Ciidamada AMISOM dadka ay ka shakiyaan kuna soo dhawaada fariisimahooda iyadoona Mararka qaar Ciidamadu ay dilal barer ah u geestaan Dadka Shacabka ah.

Ku: M/weynaha dowlad goboleedka Puntland iyo Xukuumadiisa.
Ku: Isimida iyo Wax garadka Puntland.
Ku: Culima awdiinka iyo Ganacsatada Puntland.
Ku: Bulshada rayadka iyo Jaaliyadaha Puntland.

Baaq Nabadeed

Waxaan baaq iyo talosoojeedin u dirayaa dhamaan dowladda, siyaasiyiinta, isimada, iyo shacabka reer Puntland. Waxaa ii muuqata saasaanta maalma hore oo tagay.

Waxaan ku baaqayaa in laga wada shaqeeyo nabadda. Iyadoo isha lagu hayo isbadalka siyaasadeed ee Soomaaliya, waxaa lama huraana in wixii khilaafaad ah lagu xaliyo wada hadal lagana dheeraado wixii wax u dhimaya nabadda iyo hormarka puntland. Umadi waxay horumar ku gaartaa ixtiraamka haddba waxii lagu heshiiyay .

WWaxaan leeyahy waa in la soo dhaweeyaa siyaasiyiinta cusub ee jacel in ay u adeegaan bulshadooda lana dhiira galiyaa.

Wixii wax ka badal u baahan ee siyaasiyiinta tabanayaan waa in loo maraa habka dastuurku qabo waana arin qaynuuni ah. siyasiyiintana u hanqal taagaya madaxtinada puntland ayagana waxaan u sheegayaa inay ka fogadaan wixii burbur iyo dhib u keenaya dalka iyo dadkaba. Haddii taasi dhici waydo arini waxay noqon “jaantaa rogan” oo muxaafid iyo mucaaradba aysan dani ugu jiri doonin. Shacabka Puntland waa in uu hagaa dastuurka dalka kana dheeraadaan fowdada iyo is dhexyaaca.

Isimada waxaan ugu baaqayaa inay soo kala dhex kala galaan dowlada iyo mucaradka kana hortagaan wixii dowlada iyo dalka dhib u keenaysa una istaagaan kaalintoodii nabadeed ee wax ku oolka ahayd lagana faa’idaystaa wixii la soo maray.

Majirto xilli nabadda looga baahi badan yahay marakan.yaysan noqon ,hal bacaad lagu lisay, wixii 15 sano laga soo shaqaynayay ee dhalisay amni,horumar,iyo kala danbayn waxana u sheegayaa jaaliyadaha dibadda iyo shacabkaba inay isku meel oga soo wada jeestaan dadka qaska iyo burburka ka wada puntland ayna iska qabtaan. w.w.w

Omar Abdulahi Ali Barre
Diplomacy Sare
Norwey, Oslo
Email: ambassadoromar@gmail.com

Boqolal Muwaadinin Somali Ah Oo Sanadkan Cusub Qorsheynayay Inay Dalkooda Hooyo Dib Ugu Laabtaan Ayaa Ku Xayiran Magaloyinka Dalka Koofur Afrika Kadib Markii Dowlada Koofur Afrika Gaar Ahaan Waaxda Socdaalka Iyo Jinsiyadaha  Ay Gabi Ahaanba Joojisay Socdaalkii Somalida Ay Dalkoda Dib Ugu Laaban Lahayeen  Madama La Kansalay Islamarkane Dowlada Koofur Afrika Ay Diiday Waraqadaha Go Home-ka Iyo Pasaporka Somaliga Ah In Lagu Baxo,

Magaloyinka Ugu Wa Weyn Dalka Koofur Afrika Oo Ay Soomaalida Ku Xayin yihiin Ayaa Waxa Kamid Ah Johannesburg, Cape Town Iyo Port Elezabith , Xayiraada Dowlada Koofur Afrika Ay Saartay Socdaalka Somalida Ay Dalkoda Dib Ugu Laaban Lahayeen Ayaa Lo Sababeyay Ka Gadaal Markii Is Qab Qabsi Iyo Dacwad Iska Gudbiyeen Rag Muqalisiin Somali Ah Oo La Shaqeya Waaxda Socdaalka Iyo Jinsiyadaha Wadankan Kooofur Afrika Kuwaa Oo Lacaga Dulsaar Ah Ka Qaadan Jiray Qofka Soomaaliga Ee Doonaya Inuu Dalka Ka Taga

Qaar Kamid Ah Muwaadiniin Soomaaliyeed Oo Rajeynayay Inay Ka Tagaan Wadankan Oo Suxufiyiinta La Hadlay Ayaa Waxay Sheegeen In Dhawr Mar Isku Day Bixitaan Ah Ay Sameeyeen Ay Ku Guul Dareeysteen Xili Loo Diiday In La Siiyo Warqada Go Home-ka Waxaana Ay Shegeen In Xitaa Xabsi Ay Galeen Mudadii Ay Raadinayeen Warqada Go Home-ka

Hadal Haynta Soomaalida Koofur Afrika Ku Nool Ayaa Maalimaahan Danbe Noqotay Sidee Dalka Looga Bixi Karaa Wa La Diiday Go Home Wa La Diiday Pasaporka Soomaaliga Dhulka Maritaankiisane Aad Buu U Adagyahay Sababa La Xiriira Amaanka Wadamada Aad Mareeysa Oo Dhib Badan Aad Kala Kulmiyesid Iyo Safarka Oo Aad U Dheer

Si Kastaba Arintan Ayaa Noqotay Caqab Aad U Weyn Oo Saameyesay Soomaalida Sida Aadka Ah U Daneeyneeysa Inay Dalkooda Dib Ugu Laabtaan Mana Jirta Ilaa Haatan Cid Isku Xilqaantay In Dowlada Koofur Afrika Kala Hadasha Xayiraada Dhanka Socdaalka Ee Soomaalida Lagu Soo Rogay

Omar Kiyow
George
Koofur Afrika